INFRAESTRUCTURAS

• Poremos en marcha unha brigada de obras composta por cinco persoas que se encargarán do mantemento das instalacións municipais, de pequenas obras polas parroquias e a vila e da limpeza de vías e cunetas por todo o concello.
• Asinaremos un convenio co Xunta de Galiza para a mellora integral da Avenidas Fernando Blanco e Avenida de Fisterra, que ademais de evitar accidentes e mortes nos pasos de peóns, axude a dinamización co comercio existente nelas.
• Construiremos un parque para mascotas, onde poidan desfrutar os seus donos e elas, ademais de axudar a convivencia veciñal.
• Uniremos os paseos de Cee e Corcubión.
• Cubriremos o parque infantil do recheo para que se poida usar todo o ano e os xogos perduren no tempo.
• Acometeremos a mellora do saneamento nas Casas Baratas, así como a mellora das prazas.
• Consensuaremos co sector da madeira e forestal, os puntos estratéxicos de recollida da madeira, habilitando novos espazos, coma o estado no que teñen que quedar as pistas despois de finalizado o seu traballo, velando por unha convivencia armónica.
• Urbanizaremos a Rúa Calzada, ancheando as beirarrúas, mellorando a iluminación e facendoa de sentido único.
• Faremos unha nova vía polo Río Ferrol para complementar coa Rúa da Calzada.
• Renovaremos integramente a Rúa Ferrol, coa mellora do firme, a correcta iluminación e beirarrúas alí onde sexa posible.
• Melloraremos as vías de acceso ao campo de fútbol e ao cemiterio pola Lagarteira e Xallas, con beirarrúas a un lado, con iluminación axeitada e controis de velocidade.
• Renovaremos a subida a Lagarteira, con beirarrúas e iluminación correcta.
• Reformaremos a subida á Armada, así como as escaleiras que a unen a estrada a Muros.
• Abriremos unha nova vía de acceso ao Son, dende os muiños de Toba.
• Urbanizaremos a vía do Son até a saída a Corcubión.
• Faremos unha reforma completa da praza dos Castiñeiros.
• Remataremos o saneamento e formigonado das vías en Pallares.