• Poremos en marcha unha brigada de obras composta por cinco persoas que se
encargarán do mantemento das instalacións municipais, de pequenas obras polas
parroquias e a vila e da limpeza de vías e cunetas por todo o concello.

• Impulsaremos a instalación de empresas no polígono empresarial comezando por
bonificar e abaratar o prezo das parcelas.

• Elaboraremos un Programa de atracción de iniciativas empresariais, que
amose as nosas vantaxes competitivas para a instalación de novas empresas.

• PORQUE PENSAMOS QUE O CONCELLO TEN QUE DAR EXEMPLO:
Estableceremos un baremo para o rexistro e certificación voluntaria de empresas e
entidades por parte do concello, priorizando os empresarios locais:
As empresas que queiran acceder a este mecanismo serán auditadas polo concello
en canto a condicións laborais dos empregados, á cantidade de recursos reinvestidos
no termo municipal de Cee, e á importancia do sector no que están implantadas para
a economía municipal, segundo un baremo que será público.
Deste xeito, poderán acceder, con vantaxes, á contratación de obra publica, á
convocatoria de subvencións ou condonacións fiscais, alí onde fose necesario.

• Xestionaremos con SEA (Suelo Empresarial del Atlántico) a construción de naves
para ofrecer en aluguer.

• Aprobaremos un PXOM no que a marxe esquerda da ría quede para o futuro
como zona industrial e de creación de postos de traballo.
Non haberá nel ningún campo de golf, polo que as parroquias e a vila non
perderán edificabilidade, e dicir, solares onde poder construír novas vivendas

• Forzaremos a creación de postos de traballo relacionados co peirao de Brens.
O aumento de actividade no porto debe ir parello ao aumento dos postos de traballo.

• Tamén impulsaremos a creación dunha BASE ANTICONTAMINACIÓN no peirao de
Brens, as costas estarán protexidas, e crearase actividade económica e postos de
traballo.

• Trasladaremos a ITV MOVIL para o polígono empresarial.

• Instaremos a que se cumpra o estipulado no documento de Delimitación dos
Espazos e Usos Portuarios do Porto de Brens-Cee, no que acorda a ampliación
dentro da zona de servizo, mediante a EXPROPIACION DE PARCELAS, dos
terreos privados que estiveron incorporados na Concesión Administrativa titular da
xa extinguida concesión administrativa titularidade de Suministros e Industrias
Castro Rial “Sicar”, e que se sitúan entre a estrada e a línea de deslinde marítimo
terrestre. Así como da variante que prevén neste mesmo para conectar ao AC-552
coa AC-550 nas proximidades da factoría de Ferroatlantica mediante unha glorieta;
e a opción que consideran válida para executar un muro de contención da estrada
AC-550 no tramo que discorre paralelo ao acceso.

• Traballaremos cos propietarios particulares e coas comunidades de montes QUE
QUEIRAN poñer en valor o monte e loitar contra o lume. Queremos que o monte
deixe de ser unha simple explotación forestal e volva ser o que sempre foi, un espazo
natural multiprodutivo e por riba de todo, sen lume. Existen outras experiencias no
país que fan do monte unha fábrica natural de carne, setas, mel, paisaxe, lecer,
deporte, saúde e cultura para os nosos fillos .

• Porque sabemos que hai xente con terras que non as traballa e xente sen terras que
quere traballar na agricultura e gandería, impulsaremos a creación dun “Banco de
Terras” municipal que facilite os acordos para a cesión desas parcelas.

• Impulsaremos un parque eólico publico que serva para reducir do a factura
eléctrica do concello.

• Poremos en marcha sistemas de aforro enerxético no alumeado público, con
medidas como o cambio de lámpadas polas de baixo consumo.

O PORTO DE BRENS E O PATRIMONIO INDUSTRIAL

Lembrando o que temos e tamén o que fomos, apostaremos por poder voltar ver a nosa
ría chea de barcos. Vai ser este un proxecto moi ambicioso, que marcará e cambiará para
ben o futuro da nosa vila. Haberá un antes e un despois en Cee e en toda a bisbarra se a
xente aposta para que o BNG capitanee o futuro goberno local, e este será un dos piares
polo que nos comprometemos a loitar e pór en marcha.
Se o porto de Brens coa súa ampliación é capaz de traer cada vez máis barcos e
converterse nun referente en toda Galiza, cantos non se traerían se voltasen funcionar os
estaleiros. Somos perfectamente conscientes de qué tal vez as expectativas a curto prazo
non pasen pola construción de novas embarcacións, aínda que o futuro do transporte a
nível mundial teña que potenciarse inevitablemente polo mar. Pero dende o BNG de Cee
cremos que a reparación de barcos de cabotaxe e barcos de pesca de mediana e grandes
dimensións ten un mercado enorme na nosa vila, aproveitando as antigas instalacións que
durante tantos anos serviron a este fin.
Esta idea para a revitalización e a reforma integral dos terreos dos antigos estaleiros e da
zona portuaria de Brens pasa polas seguintes actuacións, polas que o BNG de Cee se
compromete a loitar:

• Modernización e adaptación ás novas realidades e necesidades das
instalacións xa feitas (antigos estaleiros SICAR). Miles de barcos mercantes de
pequena e mediana eslora pasan continuamente polas nosas costas e de seguro
que entrarían nestas instalacións a pintar ou reparar, ou simplemente a revisar. Só
hai que ofertar estas instalacións no mercado.

• Demandaremos ás administracións implicadas (Ministerio Medioambiente,
Consellería de Industria,...) do estudo da viabilidade de construír un espigón
cara o nordés no peirao onde está a depuradora (Cubiles), para colocar
pantaláns de embarque que manteñan ao abrigo dos temporais as embarcacións de
recreo.

• Apostaremos por facer no edificio contiguo á actual depuradora (e que
actualmente está en ruínas) un museo do mar de titularidade pública, cunha
parte adicada a carpintería de ribeira. Nestas instalacións repararíanse as
embarcacións máis pequenas. O museo será un referente de todo o que significou
e significa para Cee (baleeira de Cañeliñas, SICAR, ...).

• Comezaremos a busca de empresas que se queiran instalar nos terreos do
porto de Brens.

• Como proxecto conxunto con outros concellos interesados na promoción
turística na Costa da Morte, apostaremos pola construción dun par de
embarcacións de recreo (con características similares ás dos galeóns de mediano
tamaño) para realizar actividades lúdicas e turísticas pola nosa ría. Existen fondos
europeos para non perder o patrimonio cultural e industrial da nosa nazón, e o BNG
de Cee quere aproveitalos e que poidan reverter na zona creando emprego. A idea
é a creación dunha empresa de xestión municipal para a promoción turística.

• Recuperación e rehabilitación da baleeira de Caneliñas (en Gures) para facer
un albergue referente para turismo ecolóxico.