Nos vindeiros meses tocará os concellos dar saída os fondos da Deputación.

Por un lado, no PAS 2015 o noso concello recibirá unha partida de 280 mil euros, que terán que ser adicados na súa totalidade a acción social, na que entre outras cousas tamén se poderían recoller obras como as que propoñemos.

Da outra banda, o POS 2016. Nel, Cée recibirá 207 mil euros, podendo destinar parte del a gasto corrente. Dende o bng cremos que é preciso adicalo a obras, polo que faremos esa petición ante o goberno.

Estas son as obras no rural que poñemos enriba da mesa e que ao parecer noso son mais urxentes.

PROPOSICIÓN DE OBRAS PARA PAS 2015 E POS 2016

GURES... Adecuación de viais interiores.

Renovación total de dúas pontes no regato que atravesa o lugar, e que por mór do pouco diámetro das súas tubaxes, non son capaces de evacuar suficientemente a auga, incluso en épocas de precipitacións escasas. Ademais, na parte mais baixa da aldea, a exceiva estreitez dos viais, fai que unha ambulancia non poida acudir a recoller persoas enfermas. Os propietarios das fincas lindantes parecen dispostos na súa meirande parte, a ceder os espazos ocupados polas paredes, co que xa sería suficiente para acceder con relativa comodidade.

BRENS... Arranxo íntegro da escola infantil.

A escoliña de Brens pasa neste momento por ser unha das dúas unitarias que aínda funcionan no noso concello. O estado obsoleto das instalacións fan dela un lugar non moi acolledor para albergar este servizo, pólo que é preciso a súa renovación e aillamento para evitar as humidades existentes.

Cambio de ventás, portas, adecuación dos interiores e aillamento

xeitado nas paredes exteriores, sobre todo na traseira, onde se ven grietas que filtran auga, farían do interior un espazo mais cómodo e axeitado.

ESTRADA TOBA-LIRES... Remate asfaltado.

Na anterior lexislatura, 07-11, foi renovado o firme até o lugar da Cabaleriza, polo que é preciso o remate des asfaltado ate Lires.

Ademais compre unha sinalización axeitada en toda a vía, sendo neste momento totalmente insuficente.

SANEAMENTO EN PEREIRA-SAN XOSÉ E PORCAR.

Estes tres núcleos carecen de servizo de alcantarillado. Compre unha actuación integral para a recollida das augas fecais e a súa posterior chegada a unha pequena Edar, que podería estar sita en Porcar, por onde pasa un pequeno regato que podería ser o receptor da augas convintemente tratadas.

SANEAMENTO SEMBRA E CABALERIZA

Os lugares de Sembra e Cabaleriza carecen de alcantarillado. A propia orografía de Sembra fai que a obra sexa moi sinxela, polo que o custe sería baixo. As augas poderíanse tratar por separado ou conxuntamente, segundo os informes técnicos precedentes, mais sempre en Edars de custe escaso.

SANEAMENTO EN CODESOS E VILANOVA

Estes dous núcleos carecen de servizo de alcantarillado. Compre unha actuación integral para a recollida das augas fecais e a súa posterior chegada a unha pequena Edar, que podería estar sita nunha masa común na parte baixa das dúas aldeas, preto do río Grande, posible receptor das augas tratadas.

NOTA: Nos tres casos de saneamento, sería interesante que a hora de pensar na depuración de augas se tivese en conta que existen xa estacións depuradoras axeitadas a densidade poboacional das localidades nomeadas, cun mínimo custe económico por tratárense de métodos de depuración naturais, e cun mantemento igualmente accesíbel e asimilable.

A Universidade da Coruña ten feito estudos e elaborado proxectos nese senso, polo que sería de utilidade contar co seu asesoramento.

Cée, 13 de outubro de 2014.

Serxio Domínguez Louro

Concelleiro do BNG de Cée