MONTES E MEDIO RURAL

• Traballaremos coas comunidades de montes e cos propietarios particulares que
queiran poñer en valor o monte e loitar contra o lume. Queremos que o monte
deixe de ser unha simple explotación forestal e volva ser o que sempre foi, un espazo
natural multiprodutivo e por riba de todo, sen lume. Existen outras experiencias no
país que fan do monte unha fábrica natural de carne, setas, mel, paisaxe, lecer,
deporte, saúde e cultura para os nosos fillos .

• Impulsaremos a creación dun “Banco de Terras” municipal que facilite os acordos
para a cesión desas parcelas. Sabemos que hai xente con terras que non as traballa
e xente sen terras que quere traballar na agricultura e gandería.

• Colaboraremos con outras administracións no desenvolvemento de políticas que
axuden ao incremento da produtividade nas actividades forestais; potenciaremos os
coutos redondos para a realización de cortas, plantacións, desbroces e resto de
tarefas do monte en conxunto, rendibilizando as tarefas.

• Potenciaremos o cumprimento da lei, con respecto á distancia entre as vivendas,
cultivos, e as explotacións forestais.

• Habilitaremos espazos municipais para a estiba de madeira.

SUSTENTABILIDADE. MEDIO AMBIENTE. MAR

• Poremos en marcha un Refuxio de Animais no antigo matadoiro de Toba.

• Crearemos e sinalizaremos os roteiros de sendeirismo do noso Concello: de Cee a
Estorde por Toba, de Lires a Area Grande, de Berroxe a Vanle, de Ameixenda aos
pozos; entre regatos e muíños esquecidos de Cee, de Ameixenda a Peneda, ruta de
todos os muíños do concello.

• Coidado de espazos naturais, Caneliñas, Ría de Lires, Monte de San Pedro, etc.

• Aposta polas enerxías renovables e medidas para o aforro enerxético.

• Melloras e reparación das redes de saneamento e abastecemento de augas.

• Análises da auga das fontes e manantiais públicos do Concello.

• Plan de mellora ambiental para todas as nosas praias.

• Limpeza e protección de praias durante todo o ano.

• Fomento da reciclaxe da veciñanza, coa realización de campañas específicas en
colexios e institutos, centros sociais e empresas.

• CREACIÓN EN CADA PARROQUIA, DUN MINI PUNTO LIMPO. NEL HABERÁ
CONTEDORES PARA A RECOLLIDA DE PILAS, PAPEL, CARTÓN, ACEITES
USADOS, VIDRO, MOBLES, APARELLOS ELECTRÓNICOS, ETC... TODOS
ELES SERÁN XESTIONADOS DENDE...

• Un punto limpo central no Polígono Empresarial de Cee, cos mesmos servizos
que os mini puntos pero con contedores e espazos axeitados para os residuos
existentes no concello.

• Arranxaremos o problema do lixo do mercado dominical; instarase a que cada posto
recolla adecuadamente o seu lixo.

• Faremos campañas de concienciación cidadá aumentando a pedagoxía en menores
para crear un entorno máis amable e habitable.

• Poñeremos ó servizo da cidadanía, vila e parroquias, de puntos de información da
localización dos lugares de recollida de cada residuo.

◦ Residuos sólidos urbanos (RSU)

- O tema do lixo debe ser tratado comarcalmente.

- O BNG de Cee aposta pola compostaxe no tratamento de RSU. O primeiro é saber
que é necesario unha recollida selectiva do lixo, e isto significa separar en orixe entre
o lixo orgánico e o que non o é. Polo que faremos campañas de concienciación de
separación selectiva do lixo dende a orixe.
Promoveremos composteiros domésticos para as casas que dispoñan de horta,
xardín, etc. Reduciremos así a factura do lixo, tendo en conta que aproximadamente
o 50 - 60 % dos RSU son compostábeis, afórrase moito en volume e, sobre todo,
peso de residuos. A taxa que paga o Concello de Cee a Sogama vai en función do
volume de lixo que xenera, así que canto máis lixo se recicle máis gañaremos todos
os veciños.

◦ Augas residuais

- Para a xestión de augas residuais é necesario separar totalmente as augas
canalizadas, pluviais de residuais, para proceder a depuración das que o necesiten,
e non sobrecargar as depuradoras con augas “limpas” da choiva. Ademais de facerlle
o mantemento correspondente das instalacións para que funcionen perfectamente.
Faremos posible ambas cousas.